આ સમય ભારતીય ક્રિકેટ ટીમ (Indian Cricket Team) માટે સંકટનો સમય છે. તેને ઘરમાં મુશ્કેલી પડી રહી છે અને હવે તેની વિશ્વસનીયતા બચાવવાનો મામલો સામે આવ્યો છે. દક્ષિણ આફ્રિકા ક્રિકેટ ટીમે (South Africa Cricket Team) પાંચ મેચની T20I શ્રેણીમાં શરૂઆતની બંને મેચો જીતીને 2-0 ની સરસાઈ મેળવી લીધી છે. વધુ એક મેચ ભારત પાસેથી શ્રેણી છીનવી લેશે અને તે ટીમ ઈન્ડિયાની પ્રતિષ્ઠા પર દાવ હશે કારણ કે આ શ્રેણી ભારતમાં રમાઈ રહી છે અને ઘરઆંગણે શ્રેણી હારવાથી ભારતની પ્રતિષ્ઠા પર ડાઘ લાગશે. આ માટે ભારતે મંગળવારે યોજાનારી ત્રીજી મેચમાં દક્ષિણ આફ્રિકા (IND vs SA) ને હરાવવું જરૂરી છે. જો આ મેચમાં ભારતને વિજય નહીં મળે અને દક્ષિણ આફ્રિકા જીતની હેટ્રિક બનાવે તો શ્રેણી મુલાકાતી ટીમના નામે થઈ જશે. જો ભારત આ મેચ જીતી જશે તો તે શ્રેણીમાં રહેશે, પરંતુ શ્રેણી જીતવા માટે યજમાન ટીમને બાકીની ત્રણ મેચ જીતવી પડશે.
આ શ્રેણી ભારત માટે ચિંતાનો વિષય છે કારણ કે જે ખેલાડીઓની અપેક્ષા હતી તે નિષ્ફળ ગયા છે. પ્રથમ મેચમાં બોલરો અને બીજી મેચમાં બેટ્સમેને નિરાશ કર્યા હતા. જો ટીમ ઈન્ડિયાને જીતના માર્ગે પરત ફરવું હોય તો તેના માટે બોલિંગ અને બેટિંગ બંનેમાં સંતુલન રાખવું જરૂરી છે અને તેના તમામ ખેલાડીઓ એક ટીમ તરીકે પ્રદર્શન કરે.
દક્ષિણ આફ્રિકા ફરી કમાલ કરશે!
તે જ સમયે, ભારતને ઘરઆંગણે સતત બે મેચમાં હરાવ્યા પછી, દક્ષિણ આફ્રિકાની ટીમનો આત્મવિશ્વાસ ઘણો ઊંચો હશે. ત્રીજી મેચમાં તે વધુ ખતરનાક સાબિત થશે. અત્યાર સુધીની શ્રેણીમાં દક્ષિણ આફ્રિકા દરેક બાબતમાં ભારત કરતા વધુ સારી દેખાઈ રહી છે અને જો તે ત્રીજી મેચમાં પણ તેનું ફોર્મ ચાલુ રાખશે તો તેના માટે શ્રેણી જીતવી આસાન બની જશે.
ભારત અને દક્ષિણ આફ્રિકા વચ્ચે 5 T20 મેચોની શ્રેણીની ત્રીજી મેચ ક્યારે રમાશે?
ભારત અને દક્ષિણ આફ્રિકા વચ્ચે 5 T20 મેચોની શ્રેણીની ત્રીજી મેચ 14 જૂન, મંગળવાર સાંજે 7 વાગ્યે શરૂ થશે. આ મેચની ટોસ સાંજે 6.30 કલાકે થશે.
ભારત અને દક્ષિણ આફ્રિકા વચ્ચેની ત્રીજી T20I મેચ ક્યાં રમાશે?
ભારત અને દક્ષિણ આફ્રિકા વચ્ચે ત્રીજી T20 વિશાખાપટ્ટનમના રાજશેખર રેડ્ડી એસીએ-વીસીએ સ્ટેડિયમમાં રમાશે.
ભારત અને દક્ષિણ આફ્રિકા વચ્ચેની ત્રીજી T20I નુ ક્યાં લાઈવ ટેલિકાસ્ટ થશે?
ભારત અને દક્ષિણ આફ્રિકા વચ્ચેની ત્રીજી T20નું લાઈવ પ્રસારણ Star Sports Network પર કરવામાં આવશે. ચાહકો આ નેટવર્કની Star Sports 1, Star Sports 1 HD, Star Sports 3, and Star Sports 3 HD ચેનલો પર આ મેચનો આનંદ માણી શકે છે.
ભારત અને દક્ષિણ આફ્રિકા વચ્ચેની 2nd T20I મેચનું લાઈવ સ્ટ્રીમિંગ કેવી રીતે જોઈ શકાશે?
તમે Disney + Hotstar પર ભારત અને દક્ષિણ આફ્રિકા વચ્ચેની ત્રીજી T20 નું લાઈવ સ્ટ્રીમિંગ જોઈ શકો છો. આ સિવાય પળ પળની જાણકારી તમે tv9gujarati.com ના લાઈવ બ્લોગ પરથી પણ મેચની માહિતી મેળવી શકો છો.
from TV9 Gujarati- Gujarati News, Gujarati Samachar https://ift.tt/sW8rSb1
via IFTTT